ഇടുക്കി: കൊച്ചി-ധനുഷ്കോടി ദേശീയപാതയിൽ ഗതാഗത നിയന്ത്രണം ഏർപ്പെടുത്തി. ശക്തമായ മഴയെ തുടർന്നാണ് ഗതാഗത നിയന്ത്രണം. കൊച്ചി-ധനുഷ്കോടി ദേശീയപാത 85 ഗ്യാപ്പ് റോഡിലൂടെയുള്ള ഗതാഗതത്തിന് നിയന്ത്രണം ഏർപ്പെടുത്തിയത്.
വൈകിട്ട് ഏഴു മണി മുതൽ രാലിലെ ഏഴുമണി വരെയാണ് നിയന്ത്രണം. എന്നാൽ അഞ്ച് മണിയോടെ റോഡ് അടയ്ക്കുകയായിരുന്നു. കനത്ത മഴയെ തുടർന്നാണ് അഞ്ച് മണിയോടെ റോഡടച്ചത്. വൈകുന്നേരത്തോടെ മഴ ശക്തമായ സാഹചര്യത്തിലാണ് ജില്ലാ ഭരണകൂടത്തിന്റെ നടപടി.
കഴിഞ്ഞ ദിവസം പ്രദേശത്ത് മണ്ണിടിച്ചിലുണ്ടായിരുന്നു. കൂറ്റൻ പാറകൾ അടർന്നുവീണ് ഗതാഗതം തടസപ്പെട്ട റോഡിൽ ഒരു വാഹനത്തിൻ മാത്രം കടന്നുപോകാവുന്നതുപോലെ മണ്ണ് നീക്കം ചെയ്ത് ഇന്ന് രാവിലെയാണ് തുറന്നു നൽകിയത്.
