തിരുവനന്തപുരം: തിരുവനന്തപുരത്ത് നാലംഗ കുടുംബം വിഷം കഴിച്ചു. ഇവരിൽ രണ്ടു പേർ മരിച്ചു. സംഭവം നടന്നത് ബാലരാമപുരം പെരിങ്ങമല പുല്ലാനി മുക്കിലാണ്. പുല്ലാനി മുക്ക് സ്വദേശി ശിവരാജൻ (56),മകൾ അഭിരാമി എന്നിവരാണ് മരിച്ചത്. നിലവിൽ അമ്മയും മകനും ഗുരുതരാവസ്ഥയിലാണ്. തിരുവനന്തപുരം നിംസ് ആശുപത്രിയിൽ ചികിത്സയിലാണ് ഇവർ. കടബാധ്യതയെ തുടർന്നുള്ള ആത്മഹത്യാ ശ്രമമെന്നാണ് പൊലീസിന്റെ പ്രാഥമിക നിഗമനം.
നാലംഗ കുടുംബം ഇന്നലെ രാത്രിയാണ് വിഷം കഴിച്ചത്. രാവിലെയാണ് വിവരം പുറത്തറിഞ്ഞത്. രാവിലെ വീട്ടിൽ നിന്ന് പുറത്തുവന്ന മകൻ മുതിർന്ന ഒരു സ്ത്രീയോട് വിഷം കഴിച്ചെന്ന കാര്യം വെളിപ്പെടുത്തുകയായിരുന്നു. തുടർന്ന് പൊലീസിനെ ബന്ധപ്പെടുകയും രക്ഷാപ്രവർത്തനം നടത്തുകയും ചെയ്തു. എന്നാൽ ആശുപത്രിയിൽ എത്തിച്ചപ്പോഴേക്കും ശിവരാജനും അഭിരാമിയും മരിച്ചിരുന്നു.
