ന്യൂഡൽഹി: ഐആർസിടിസി ( ഇന്ത്യൻ റെയിൽവേ കാറ്ററിങ് ആൻഡ് ടൂറിസം കോർപ്പറേഷൻ) സൈറ്റ് പണിമുടക്കി. ഇതോടെ റെയിൽവേയുടെ ഓൺലൈൻ ടിക്കറ്റ് റിസർവേഷൻ തടസ്സപ്പെട്ടു. സാങ്കേതിക തകരാറ് മൂലമാണ് സൈറ്റ് പണിമുടക്കിയതെന്നാണ് റിപ്പോർട്ട്.
തകരാർ പരിഹരിക്കാൻ ശ്രമിച്ചു കൊണ്ടിരിക്കുകയാണെന്ന് ഐ ആർസിടിസി ട്വിറ്ററിലൂടെ അറിയിച്ചു. ഓൺലൈൻ റിസർവേഷൻ തടസ്സപ്പെട്ടത് ചൊവ്വാഴ്ച രാവിലെ മുതലാണ്. ടിക്കറ്റ് ബുക്ക് ചെയ്യാൻ ശ്രമിക്കുന്നതിനിടെ നിരവധി പേർക്ക് പണം നഷ്ടപ്പെട്ടതായും പരാതിയുണ്ട്.
