കാട്ടാക്കട: മകളെ ശല്യം ചെയ്തത് ചോദ്യം ചെയ്തതിന് പാമ്പിനെ കൊണ്ട് കടിപ്പിച്ച് കൊല്ലാന് ശ്രമം. കാട്ടാക്കടയിലാണ് സംഭവം. ഗൃഹനാഥനെ പാമ്പിനെ കൊണ്ട് കൊല്ലിക്കാൻ ശ്രമിച്ച പ്രതിയെ പൊലീസ് പിടികൂടി. കിച്ചു എന്ന ഗുണ്ട് റാവു ആണ് പൊലീസിന്റെ പിടിയിലായത്. മകളെ ശല്യപ്പെടുത്തിയത് ചോദ്യം ചെയ്തതിനാണ് ഇയാൾ ഗൃഹനാഥനെ കൊലപ്പെടുത്താൻ ശ്രമിച്ചത്. ഇയാള്ക്കെതിരെ കൊലപാതക ശ്രമത്തിന് കാട്ടാക്കട പൊലീസ് കേസെടുത്തിട്ടുണ്ട്. മകളെ ശല്യം ചെയ്തത് വിലക്കിയതിനുള്ള പ്രതികാരമായിട്ടായിരുന്നു കിച്ചു കൊലപാതക ശ്രമം നടത്തിയതെന്ന് പൊലീസ് പറഞ്ഞു.
അമ്പലത്തിൻ കാല സ്വദേശി രാജേന്ദ്രനെയാണ് കൊലപ്പെടുത്താൻ ശ്രമിച്ചത്. ജനലിലൂടെ രാജേന്ദ്രന്റെ മുറിയിലേക്ക് പ്രതി പാമ്പിനെ ഏറിയുകയായിരുന്നു. പാമ്പിനെ എറിഞ്ഞുവെന്ന് പ്രതി പൊലീസിനോട് സമ്മതിച്ചിട്ടുണ്ട്. എന്നാൽ സംഭവത്തിന് പിന്നിൽ പ്രതി ഒറ്റയ്ക്കല്ലെന്ന് പെണ്കുട്ടിയുടെ പിതാവ് രാജേന്ദ്രന് പറയുന്നു.
ഇയാള് പ്രദേശത്തെ ചെറുപ്പക്കാരുടെ ഗുണ്ടാ സംഘമുണ്ടാക്കി കഞ്ചാവ് വില്പനയും അക്രമ പ്രവര്ത്തനങ്ങളും നടത്തുന്നയാളാണ്. ഈ സംഘം മകളെ പല തവണ ശല്യം ചെയ്തിരുന്നു. ഇതേ തുടർന്നാണ് ഗൃഹനാഥൻ പ്രതിയെ വിലക്കിയത്.
