തിരുവനന്തപുരം: ഭിന്നശേഷിക്കാര്ക്ക് കരുതിലന്റെയും പരിഗണനയുടെയും ഊര്ജം പകരാന് ഡിഫറന്റ് ആര്ട് സെന്റര് ഉണരൂ.. എന്ന പേരില് തയ്യാറാക്കിയ തീം സോംഗിന്റെ റിലീസ് നാളെ (ബുധന്) നടക്കും. വിഭിന്നരായവര്ക്ക് പുതിയ ലോകം സൃഷ്ടിക്കുവാന് നാം ഓരോരുത്തരം ബാധ്യസ്ഥരാണ് എന്ന സന്ദേശമാണ് ഈ തീം സോംഗിന് പിന്നിലുള്ളത്. ഡിഫറന്റ് ആര്ട് സെന്ററില് വൈകുന്നേരം 4.30ന് നടക്കുന്ന ചടങ്ങില് മന്ത്രി ഡോ.ആര്.ബിന്ദു തീം സോംഗ് പ്രകാശനം ചെയ്യും.
ചടങ്ങില് ഗായിക ലതിക മുഖ്യാതിഥിയാവും. ഡിഫറന്റ് ആര്ട് സെന്റര് എക്സിക്യുട്ടീവ് ഡയറക്ടര് ഗോപിനാഥ് മുതുകാട്, മാനേജര് സുനില്രാജ് സി.കെ എന്നിവര് പങ്കെടുക്കും. കെ.പി ബീനയുടെ രചനയ്ക്ക് വിശ്വജിത്ത് സംഗീത സംവിധാനം നിര്വഹിച്ചിരിക്കുന്ന ഈ ഗാനം ആലപിച്ചിരിക്കുന്നത് പ്രശസ്ത പിന്നണി ഗായകരായ മഞ്ജരി, അന്വര് സാദത്ത് എന്നിവരാണ്. ഗാനത്തിന്റെ ദൃശ്യാവിഷ്കാരം സംവിധായകനായ പ്രജീഷ് പ്രേം ആണ് നിര്വഹിച്ചിരിക്കുന്നത്.
