തൊടുപുഴ: കഞ്ചാവ് കൈവശം വെച്ച് കടത്തിക്കൊണ്ടുവന്ന പ്രതികൾക്ക് തൊടുപുഴ എൻ ഡി പി എസ് കോടതി നാലുവർഷം കഠിന് തടവും അമ്പതിനായിരം രൂപ വീതം പിഴയും ചുമത്തി. 2017 മാർച്ച് മാസം 26 ന് വാഹനത്തിൽ 2 കി.ഗ്രാം കഞ്ചാവ് കൈവശം വച്ച് കടത്തികൊണ്ടുവന്ന കേസിലെ പ്രതികളായ രാമേശ്വരം സ്വദേശികളായ 35 വയസ്സുള്ള ജോൺ പോൾ, 36 വയസ്സുള്ള ആന്റണി റെയ്സൺ എന്നിവരെ നാല് വർഷം കഠിന തടവിനും 50000 രൂപ പിഴ അടക്കുന്നതിനും പിഴ അടച്ചില്ലെങ്കിൽ ഒരു വർഷം കൂടി കഠിന തടവിനും ബഹു.തൊടുപുഴ എൻ ഡി പി എസ് കോടതി ശിക്ഷ വിധിച്ചു.
വണ്ടിപ്പെരിയാർ എക്സൈസ് ഇൻസ്പെക്ടർ ആയിരുന്ന ഷാജി എസ് ഉം പാർട്ടിയും ചേർന്ന് കണ്ടുപിടിച്ച കേസിൽ, പീരുമേട് എക്സൈസ് സർക്കിൾ ഇൻസ്പെക്ടർ ആയിരുന്ന എം എൻ ശിവപ്രസാദാണ് അന്വേഷണം നടത്തി കുറ്റപത്രം സമർപ്പിച്ചത്. കേസിൽ പ്രോസിക്യൂഷന് വേണ്ടി എൻ ഡി പി എസ് കോടതി സ്പെഷ്യൽ പബ്ലിക് പ്രോസിക്യൂട്ടർ ബി രാജേഷ് ഹാജരായി.
