കോട്ടയം: സെപ്റ്റംബര് അഞ്ചിന് പുതുപ്പള്ളി നിയമസഭാ മണ്ഡലത്തിന്റെ പരിധിയിലുള്ള സര്ക്കാര്, അര്ദ്ധസര്ക്കാര്, വിദ്യാഭ്യാസ, വാണിജ്യ സ്ഥാപനങ്ങള്ക്ക് പൊതുഅവധി പ്രഖ്യാപിച്ച് സര്ക്കാര്. ഉപതെരഞ്ഞെടുപ്പിനെ തുടർന്നാണ് സർക്കാർ അവധി പ്രഖ്യാപിച്ചത്.
പുതുപ്പള്ളി നിയമസഭാ മണ്ഡലത്തിന്റെ പരിധിയില് ഷോപ്പ്സ് ആന്ഡ് കൊമേഴ്സ്യല് എസ്റ്റാബ്ലിഷ്മെന്റ് നിയമത്തിനു കീഴില് പ്രവര്ത്തിക്കുന്ന സ്വകാര്യ സംരംഭങ്ങള്-സ്ഥാപനങ്ങള്, വ്യവസായ സ്ഥാപനങ്ങള്, കടകള് എന്നിവിടങ്ങളിലെ ജീവനക്കാര്ക്ക് വേതനത്തോടു കൂടിയ അവധിയായിരിക്കും.
മറ്റിടങ്ങളില് ജോലിചെയ്യുന്ന പുതുപ്പള്ളി നിയമസഭാ മണ്ഡലത്തിലെ സ്ഥിരതാമസക്കാരും വോട്ടര്മാരുമായ കാഷ്വല് ജീവനക്കാര് അടക്കമുള്ള ജീവനക്കാര്ക്കും വേതനത്തോടെയുള്ള അവധി ബാധകമാണ്.
