തിരുവനന്തപുരം: പാച്ചല്ലൂർ സ്വദേശിയായ യുവാവിന്റെ പക്കൽ നിന്നും കഞ്ചാവ് പിടികൂടി. രണ്ടു കിലോ കഞ്ചാവാണ് യുവാവിന്റെ പക്കൽ നിന്നും അമരവിള എക്സൈസ് ഇൻസ്പെക്ടർ പിടികൂടിയത്.
അമരവിള എക്സൈസ് റേഞ്ച് ഇൻസ്പെക്ടർ വിനോജിന്റെ നേതൃത്വത്തിലാണ് കഞ്ചാവ് പിടികൂടിയത്. തിരുവനന്തപുരം പാച്ചല്ലൂർ സ്വദേശിയായ അഖിൽ എന്ന ആംബു( 23) യാണ് പിടിയിലായത്. രാവിലെ ചെന്നൈയിൽ നിന്നും തിരുവനന്തപുരത്തേക്ക് വരികയായിരുന്ന ആഡംബര ബസ്സിൽ യാത്രചെയ്യവെയാണ് അഖിൽ പിടിയിലായത്.
കൊറ്റാമത്ത് രാവിലെ നടത്തിയ വാഹനം പരിശോധനയിലാണ് അഖിൽ പിടിയിലാകുന്നത്. പാച്ചല്ലൂർ, വെങ്ങാനൂർ, ,കോവളം പ്രദേശങ്ങളിൽ ചെറു പൊതികളായി വിൽപ്പന നടത്തുന്നതിനു വേണ്ടിയാണ് കഞ്ചാവ് കൊണ്ടുവന്നതെന്ന് പ്രതി എക്സൈസിനോട് പറഞ്ഞു. പേട്ട പോലീസ് സ്റ്റേഷനിലും അഖിലിനെതിരെ മോഷണ കേസ് നിലനിൽക്കുന്നുണ്ട്.
