കോട്ടയം: പുതുപ്പള്ളി വോട്ടെണ്ണൽ ഏഴു റൗണ്ട് പിന്നിട്ടപ്പോൾ യുഡിഎഫ് സ്ഥാനാർഥി ചാണ്ടി ഉമ്മൻ 19000 ൽ പരം വോട്ടുകൾക്ക് മുന്നേറി നിൽക്കുകയാണ്. പുതിയൊരു യുഡിഎഫ് തരംഗം പുതുപ്പള്ളിയിൽ ആഞ്ഞടിക്കുന്നു. തന്റെ പിതാവായ ഉമ്മൻചാണ്ടിയുടെ 2021 ലെ ഭൂരിപക്ഷത്തേക്കാളും ഉയർന്ന ഭൂരിപക്ഷമാണ് ചാണ്ടി ഉമ്മന് ഇപ്പോൾ തന്നെ ലഭിച്ചിട്ടുള്ളത്.
എൽഡിഎഫ് സ്ഥാനാർഥി ജയ്ക്കിനെക്കാളും വളരെ മികച്ച ഭൂരിപക്ഷത്തോടെയാണ് ചാണ്ടി ഉമ്മൻ മുന്നേറുന്നത്. യുഡിഎഫ് ശക്തികേന്ദ്രത്തിലൊക്കെ ഇപ്പോൾത്തന്നെ ആഹ്ളാദാരവങ്ങൾ അലയടിച്ചു തുടങ്ങി.
