തിരുവനന്തപുരം: ബിൽഡിങ് റോഡ് വർക്കേഴ്സ് യൂണിയൻ ഐഎൻടിയുസി ടെക്നോ സിറ്റി പള്ളിപ്പുറം ടൗൺ യൂണിയൻറെ ആഭിമുഖ്യത്തിൽ യൂണിയൻ അംഗങ്ങൾക്ക് ഐഡന്റിറ്റി കാർഡ് വിതരണവും ഭക്ഷ്യധാന്യ കിറ്റ് വിതരണവും നടത്തി. കോൺഗ്രസ് മഹിളാ കോൺഗ്രസ് ജില്ലാ ജനറൽ സെക്രട്ടറി ശ്രീമതി അർച്ചനയെ ആദരിച്ചു.
യൂണിയൻ പ്രസിഡൻറ് പള്ളിപ്പുറം ജോയിയുടെ അധ്യക്ഷതയിൽ ഡിസിസി ഉപാധ്യക്ഷൻ അഡ്വക്കേറ്റ് എം മുനീർ ഉദ്ഘാടനം ചെയ്തു. യൂണിയൻജില്ലാ പ്രസിഡൻറ് വട്ടപ്പാറ അനിൽകുമാർ യൂണിയൻ അംഗങ്ങൾക്ക് ഐഡന്റിറ്റി കാർഡ് വിതരണം ചെയ്തു. ഭക്ഷ്യ ധാന്യ കിറ്റ് വിതരണം ഐ എൻ റ്റിയു സിജില്ലാ ജനറൽ സെക്രട്ടറിമാരായ പൊടിമോൻ, അഷറഫ് എന്നിവർ നിർവഹിച്ചു. വെള്ളൂർ വാർഡ് മെമ്പറും മഹിളാ കോൺഗ്രസ് ജില്ലാ ജനറൽ സെക്രട്ടറിയുമായ ശ്രീമതി അർച്ചന സ്വാഗതം ആശംസിച്ചു. നാദിർഷ കരിച്ചാറ, കുഴിവിള ബാബു, ജബ്ബാർ, ഷിബു കരിച്ചാറ, സുനി പള്ളിപ്പുറം എന്നിവർ സംസാരിച്ചു.
