കാട്ടാക്കട: കാട്ടാക്കട പൂവച്ചൽ പുളിങ്കോട് കുട്ടിയെ അപകടപ്പെടുത്തി കൊലപ്പെടുത്തിയ കേസിലെ പ്രതി പ്രിയരഞ്ജനെ പുളിങ്കോട് ക്ഷേത്രത്തിനു മുന്നിൽ എത്തിച്ചു തെളിവെടുപ്പ് നടത്തി.താൻ മനപൂർവ്വം ചെയ്തില്ല എന്നാണ് പ്രതി പോലീസിനോട് പറയുന്നത്. കാട്ടാക്കട എസ് ഏച് ഒ ഷിബു കുമാർ ,എസ് ഐ ശ്രീനാഥ് എന്നിവരുടെ നേതൃത്വത്തിലുള്ള പോലീസ് തെളിവെടുപ്പിന് നേതൃത്വം നൽകി.
ഒന്നും മനഃപൂർവമായിരുന്നില്ല, തെറ്റ് പറ്റിപ്പോയി ആക്സിലേറ്ററിൽ കാലമർന്ന് നിയന്ത്രണം വിട്ട് കുട്ടിയെ ഇടിക്കുകയായിരുന്നുവെന്ന് പ്രിയരഞ്ജന് പറഞ്ഞു. തെളിവെടുപ്പിനെത്തിച്ചപ്പോഴായിരുന്നു പ്രിയരഞ്ജന്റെ പ്രതികരണം. തുടർന്ന് പ്രതിയെ വൈദ്യ പരിശോധനയ്ക്കായി ആശുപത്രിയിൽ എത്തിച്ചു.
കഴിഞ്ഞ ഓഗസ്റ്റ് 30 നാണ് പ്രിയരഞ്ജന്റെ കാർ ഇടിച്ച് കാട്ടാക്കട ചിന്മയ മിഷൻ സ്കൂൾ പത്താം ക്ലാസ്സ് വിദ്യാർഥിയായ ആദി ശേഖര് മരിച്ചത്. പുളിങ്കോട് ശ്രീ ഭദ്രകാളി ക്ഷേത്രത്തിൻറെ മുൻവശത്ത് വെച്ചായിരുന്നു സംഭവം. കാട്ടാക്കട പൂവച്ചൽ പൂവച്ചൽ അരുണോദയത്തിൽ സർക്കാർ സ്കൂൾ അധ്യാപകനായ അരുൺകുമാർ ദീപ ദമ്പതികളുടെ മകനായിരുന്നു.
