ഡൽഹി: മന്ത്രിസഭാ പുനഃസംഘടനയെപ്പറ്റി ഇപ്പോൾ പുറത്തുവരുന്ന വാർത്തകൾ സൃഷ്ടിച്ച് പ്രചരിപ്പിക്കുന്ന വാർത്തയാണെന്ന് എൽഡിഎഫ് കൺവീനർ ഇ.പി. ജയരാജൻ. മന്ത്രിസഭാ പുനഃസംഘടനയെക്കുറിച്ച പാർട്ടിയോ മുന്നണിയോ യാതൊരു വിധ ചർച്ചകളും നടന്നിട്ടില്ല. മാത്രമല്ല കെ.ബി. ഗണേഷ് കുമാറിനെ മന്ത്രിയാക്കുന്നതിൽ യാതൊരു പ്രശ്നവുമില്ലെന്നും ഇ.പി. ജയരാജൻ.
എന്നാൽ 4 പാർട്ടികൾക്ക് പകുതി സമയം എന്ന ധാരണ മുന്നണിയിലുണ്ട്. പക്ഷെ സ്പീക്കറെ മാറ്റുമെന്ന വാർത്ത അടിസ്ഥാന രഹിതമാണ്. അദ്ദേഹം സ്പീക്കറായിട്ട് ഒരു വർഷമല്ലെ ആയിട്ടുള്ളുവെന്നും ഇ പി ജയരാജൻ മാധ്യമങ്ങളോട് പറഞ്ഞു.
