വയനാട്: വയനാട് താമരശ്ശേരി ചുരത്തിൽ വച്ച് കുരങ്ങൻ തട്ടിയെടുത്ത് കൊക്കയിലെറിഞ്ഞ ഐ ഫോൺ ഫയർ ഫോഴ്സ് എത്തി വീണ്ടെടുത്തു.കോഴിക്കോട് പെരുമണ്ണ സ്വദേശി പിലാത്തോട്ടത്തിൽ ജാസിം എന്നയാളുടെ 75000 രൂപ വില വരുന്ന ഐ ഫോണ്‍ 12 പ്രോ ആണ് കുരങ്ങ് ചുരത്തില്‍ എറിഞ്ഞത്.
ഇന്നലെ ഉച്ചയ്‌ക്കായിരുന്നു സംഭവം.വയനാട് കാണാനെത്തിയ സഞ്ചാരിയായ യുവാവിന്റെ കയ്യിൽ നിന്നും ഐ ഫോൺ ഒരു കുരങ്ങനെത്തി തട്ടിപ്പറിക്കുകയായിരുന്നു. അതിനു ശേഷം ആ എഐഫോൺ കുരങ്ങൻ താമരശ്ശേരി ചുരത്തിലെ കൊക്കയിലേക്ക് എറിഞ്ഞു. സാധാരണ സഞ്ചാരികൾ കയ്യിലുള്ള ആഹാരസാധനങ്ങൾ കുരങ്ങുകൾക്കു നൽകാറുണ്ട്.ആഹാരമെന്നു കരുതിയാവാം കുരങ്ങ് ഫോൺ തട്ടിപ്പറിച്ചത്.
യുവാവ് ഉടൻ തന്നെ ഫയർ ഫോഴ്‌സിൽ വിളിച്ച് സഹായമഭ്യർത്ഥിച്ചു. ജനങ്ങളുടെ ജീവനോടൊപ്പം സ്വത്തിനും സംരക്ഷണം നൽകണമെന്ന് ഉത്തമ ബോധ്യമുള്ള ഫയർ ഫോഴ്സ് ഉദ്യോഗസ്ഥർ സ്ഥലത്തെത്തി യുവാവിന്റെ ഐഫോൺ കൊക്കയിലിറങ്ങി വീണ്ടെടുത്തു നൽകി.
