നാമക്കൽ: ചിക്കന് ഷവര്മ കഴിച്ച് ഭക്ഷ്യവിഷബാധയേറ്റ് 14കാരി മരിച്ചു. തമിഴ്നാട്ടിലെ നാമക്കലിലാണ് സംഭവം നടന്നത്. ഞായറാഴ്ച രാത്രി പെൺകുട്ടിക്ക് ഭക്ഷ്യവിഷബാധയേറ്റു. തുടർന്ന് കുട്ടിയെ ആശുപത്രിയില് പ്രവേശിപ്പിക്കുകയും തിങ്കളാഴ്ച വീട്ടില് തിരിച്ചെത്തുകയും ചെയ്തു. ഇതിന് പിന്നാലെയാണ് പെണ്കുട്ടി മരിച്ചത്.
14കാരിയുടെ പിതാവാണ് ഞായറാഴ്ച റസ്റ്റോറന്റില് നിന്ന് ഭക്ഷണം വാങ്ങി വീട്ടിലേക്ക് കൊണ്ടുവന്നത്. പെണ്കുട്ടി ചിക്കന് ഷവര്മയാണ് കഴിച്ചത്. രാത്രിയോടെ അവശനിലയിലായ പെണ്കുട്ടിയെ കുടുംബം ആശുപത്രിയിലെത്തിച്ചു. എന്നാല് കാര്യമായ പ്രശ്നങ്ങളില്ലെന്ന് കരുതി തിങ്കളാഴ്ചയോടെ വീട്ടിലേക്ക് മടക്കി അയക്കുകയായിരുന്നു.
സംഭവത്തിന് പിന്നാലെ ഉദ്യോഗസ്ഥര് ഉടന് റെസ്റ്റോറന്റില് റെയ്ഡ് നടത്തുകയും ഭക്ഷണ സാമ്പിളുകള് ശേഖരിക്കുകയും ചെയ്തു.ഇതേ റസ്റ്റോറന്റില് നിന്ന് ഭക്ഷണം കഴിച്ച 13 മെഡിക്കല് വിദ്യാര്ഥികള് രോഗബാധിതരായി ചികിത്സയിലാണെന്ന് പോലീസ് പറഞ്ഞു.
