കണിയാപുരം: സമത കണിയാപുരം ഓർഗനൈസേഷൻ ക്വിസ് മത്സരം സംഘടിപ്പിച്ചു. എഴുപത്തി ഏഴാമത് സ്വാതന്ത്ര്യ ദിനാഘോഷത്തിന്റെ ഭാഗമായിട്ടാണ് കണിയാപുരം പള്ളിനട എൻ ഐ സി ഹാളിൽ പരിപാടി സംഘടിപ്പിച്ചത്.
ജില്ലയിലെ മുപ്പതോളം സ്കൂളുകളിലെ ഹൈസ്കൂൾ വിഭാഗം വിദ്യാർത്ഥികളാണ് മത്സരത്തിൽ പങ്കെടുത്തത്. പോത്തൻകോട് ലക്ഷമി വിലാസം സ്ക്കൂളിലെ ഒൻപതാം ക്ലാസ് വിദ്യാർത്ഥിനി ശിവഗംഗയാണ് ഒന്നാം സ്ഥാനം കരസ്ഥമാക്കിയത്. തൈക്കാട് ഗവ.ഹൈസ്ക്കൂളിലെ അനന്ദുവിനായിരുന്നു രണ്ടാം സ്ഥാനം. ഒന്നാം സ്ഥാനം നേടിയ പോത്തൻകോട് ലക്ഷമി വിലാസം സ്ക്കൂളിലെ ഒൻപതാം ക്ലാസ് വിദ്യാർത്ഥിനി ശിവഗംഗയും മൂന്നാം സ്ഥാനം നേടിയ അതേ സ്ക്കൂളിലെ വൈഷണവും സ്ക്കൂൾ പ്രഥമ അധ്യാപികയോടൊപ്പം ചേർന്ന് സ്കൂളിനുള്ള എവർ റോളിംഗ് ട്രോഫി സമതയുടെ പ്രവർത്തകരിൽ നിന്ന് ഏറ്റുവാങ്ങി.
വളരെ വ്യത്യസ്തമായ ജന സേവന, സാമൂഹൃ, വിദ്യാഭ്യാസ, സാംസ്കാരിക മേഖലകളിൽ മാതൃകാപരമായി ഇടപെടുന്ന ഒരു കൂട്ടം മനുഷ്യ സ്നേഹികളുടെ ഒരു കൂട്ടായ്മയാണ് സമത.
