തിരുവനന്തപുരം: കാരുണ്യ രക്ഷ ആരോഗ്യ പദ്ധതി പ്രതിസന്ധിയിലാണെന്ന് റിപ്പോർട്ട്. സംസ്ഥാനത്തെ സ്വകാര്യ ആശുപത്രി മാനേജ്മെൻ്റുകൾ പദ്ധതിയിൽ നിന്ന് ഒഴിവാകുമെന്നാണ് അറിയുന്നത്. ഒക്ടോബർ 1 മുതൽ പിന്മാറുമെന്ന തീരുമാനത്തിൽ ഉറച്ച് നിൽക്കുകയാണ് ഇവർ. 104 കോടി രൂപയാണ് സർക്കാർ കഴിഞ്ഞ ദിവസം അനുവദിച്ചത്. എന്നാൽ 300 കോടിയോളം രൂപയാണ് ഇതുവരെ കുടിശ്ശികയുള്ളത്.
42 ലക്ഷം കുടുംബങ്ങളാണ് നിലവിൽ കാരുണ്യ സുരക്ഷ ആരോഗ്യ പദ്ധതി പ്രയോജനപെടുത്തുന്നത്. ഈ പദ്ധതിയാണ് നിലവിൽ പ്രതിസന്ധിയിലായത്. കുടിശ്ശികയായി കിട്ടാനുള്ള 300 കോടി ഇനിയും അനുവദിക്കാത്തതിൽ പ്രതിഷേധിച്ച് ഒക്ബോർ ഒന്ന് മുതൽ പിന്മാറാൻ കേരള പ്രൈവറ്റ് ഹോസ്പിറ്റൽ അസോസിയേഷൻ തീരുമാനമെടുത്തിരുന്നു.
