തിരുവനന്തപുരം: നബിദിനത്തെ തുടർന്നുള്ള സംസ്ഥാനത്തെ പൊതു അവധിയിൽ മാറ്റം. നബിദിന പൊതു അവധി 28ലേക്ക് മാറ്റി. നേരത്തെ 27 നായിരുന്നു പൊതു അവധി. സര്‍ക്കാര്‍, സ്വകാര്യ മേഖലകള്‍ക്കും ഇന്നേ ദിവസം അവധിയായിരിക്കും. സംസ്ഥാനത്ത് നബി ദിനം പ്രമാണിച്ച് സെപ്റ്റംബര്‍ 28ന് പൊതു അവധി നല്‍കണമെന്ന് ആവശ്യപ്പെട്ട് കൊണ്ടോട്ടി എംഎല്‍എയും മുസ്ലിം ലീഗ് നേതാവുമായ ടി വി ഇബ്രാഹിം രംഗത്തെത്തിയിരുന്നു. എം എൽ എ പൊതുഅവധിയുമായി ബന്ധപ്പെട്ട് മുഖ്യമന്ത്രിക്ക് കത്ത് നൽകുകയും ചെയ്തിരുന്നു.
മാസപ്പിറവി കാണാത്തതിനാല്‍ നബി ദിനം സെപ്റ്റംബര്‍ 28 ന് തീരുമാനിച്ച സാഹചര്യത്തിൽ പൊതു അവധി ഈ ദിവസത്തിലേക്ക് മാറ്റണമെന്നാണ് എംഎല്‍എ ആവശ്യപ്പെട്ടത്.
