കാസർകോട്: കേരളത്തിലെ രണ്ടാം വന്ദേഭാരത് ട്രെയിനിന്റെ ഫ്ലാഗ് ഓഫ് ഇന്ന്. കാസർകോട് വച്ച് ഉച്ചയ്ക്ക് 12:30 യ്ക്കാണ് ഫ്ലാഗ് ഓഫ്. കാസർകോട് നിന്ന് തിരുവനന്തപുരത്തേക്കാണ് ആദ്യ യാത്ര. പ്രധാനമന്ത്രി നരേന്ദ്ര മോദി ഓൺലൈനിലൂടെ ഉദ്ഘാടനം നിർവഹിക്കും. ഉച്ചയ്ക്ക് കാസർകോട് നിന്ന് യാത്ര തിരിക്കുന്ന വന്ദേ ഭാരത് 12മണിക്ക് തിരുവനന്തപുരത്തെത്തും.
കേന്ദ്ര വിദേശകാര്യ സഹമന്ത്രി വി മുരളീധരൻ, സംസ്ഥാന കായിക-റെയിൽവെ വകുപ്പ് മന്ത്രി വി. അബ്ദുറഹിമാൻ, രാജ്‌മോഹൻ ഉണ്ണിത്താൻ എം പി, എൻ എ നെല്ലിക്കുന്ന് എം എൽ എ തുടങ്ങിയവർ പരിപാടിയിൽ പങ്കെടുക്കും. 27 മുതൽ റഗുലർ സർവീസ് ആലപ്പുഴ വഴി തുടങ്ങും. 26ന് വൈകുന്നേരം ട്രെയിൻ കാസർഗോഡേയ്ക്ക് തിരിക്കും.
