തിരുവനന്തപുരം: ആരോഗ്യമന്ത്രിയുടെ പെഴ്സണൽ സ്റ്റാഫ് അംഗം നിയമനക്കോഴ വാങ്ങിയെന്ന ആരോപണത്തിൽ പ്രതികരണവുമായി സിപിഎം സംസ്ഥാന സെക്രട്ടറി എം.വി. ഗോവിന്ദൻ. സംഭവത്തിൽ കൃത്യമായ അന്വേഷണം നടത്തണമെന്ന് എം വി ഗോവിന്ദൻ പറഞ്ഞു.
സി പി എം അന്വേഷണത്തിൽ വീട്ടുവീഴ്ച ചെയ്യാൻ ആവശ്യപ്പെടില്ലെന്നും പാർട്ടിക്ക് തെറ്റ് ചെയ്യുന്നവരെ സംരക്ഷിക്കുന്ന നിലപാട് ഇല്ലെന്നും അദ്ദേഹം വ്യക്തമാക്കി. ആരോഗ്യ വകുപ്പുമന്ത്രിയുടെ ഓഫിസിൽത്തന്നെ ഇങ്ങനെ ഒരു പരാതി ലഭിച്ച സാഹചര്യത്തിൽ ഇക്കാര്യം ഉന്നത ഉദ്യോഗസ്ഥരുടെ ശ്രദ്ധയിൽപ്പെടുത്തിയിട്ടുണ്ട്. മാത്രമല്ല അതിന്റെ ഭാഗമായി അന്വേഷണം നടക്കുകയും ചെയ്യും. പരാതിയുടെ വസ്തുത അന്വേഷിക്കാതെയാണോ മാധ്യമങ്ങൾ വാർത്ത കൊടുക്കേണ്ടതെന്നും അദ്ദേഹം ചോദിച്ചു.
