തിരുവനന്തപുരം: ജില്ലയിൽ ശക്തമായ മഴ തുടരുന്ന സാഹചര്യത്തിൽ പ്രൊഫഷണൽ കോളേജ്, കേന്ദ്ര വിദ്യാലയങ്ങൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ നാളെ അവധി പ്രഖ്യാപിച്ചു.
കേന്ദ്ര കാലാവസ്ഥ നിരീക്ഷണ കേന്ദ്രവും കേരള സംസ്ഥാന ദുരന്തനിവാരണ അതോറിറ്റിയും ഇന്ന് ഓറഞ്ച് അലർട് പ്രഖ്യാപിച്ചിട്ടുള്ളതിനാലും ജില്ലയിൽ വിവിധ ദുരിതാശ്വാസ ക്യാമ്പുകൾ പ്രവർത്തിക്കുന്ന സാഹചര്യവും കൂടി കണക്കിലെടുത്തതാണ് അവധി.
ജില്ലയിലെ എല്ലാ ജലാശയങ്ങളും കരകവിഞ്ഞു ഒഴുകുന്ന സാഹചര്യമാണ് നിലവിലുള്ളത്. ഉരുൾ പൊട്ടൽ, മണ്ണിടിച്ചിൽ,വെള്ളപ്പൊക്കം എന്നിവയുടെ സാധ്യതയും തള്ളിക്കളയാനാവില്ലെന്നു കളക്ടറുടെ ഉത്തരവിൽ പറയുന്നുണ്ട്.എല്ലാവരും അതീവ ജാഗ്രത പാലിക്കണം.
