കോഴിക്കോട്: കേരള പോലീസിന് കർശന നിർദേശവുമായി മുഖ്യമന്ത്രിപിണറായി വിജയൻ. പൊലീസിന്റെ പ്രവർത്തനം മെച്ചപ്പെടുത്തുന്നതിനായിട്ടാണ് പുതിയ നിർദേശങ്ങൾ. ജനങ്ങൾക്ക് ആശ്രയ കേന്ദ്രമായി പൊലീസ് സ്റ്റേഷൻ മാറണമെന്ന് മുഖ്യമന്ത്രി പറഞ്ഞു.
പൊലീസ് സ്റ്റേഷൻ ജനസേവന കേന്ദ്രമാണെന്ന് ഉറപ്പാക്കണമെന്നും തെറ്റായ പ്രവണതകൾ ഉടൻ തിരുത്തണമെന്നും എസ്പിമാർ സ്റ്റേഷനിൽ പരിശോധന നടത്തണമെന്നും മുഖ്യമന്ത്രി ആവശ്യപ്പെട്ടു. കോഴിക്കോട് നടന്ന മലബാർ മേഖല പൊലീസ് ഉദ്യോഗസ്ഥരുടെ യോഗത്തിലാണ് മുഖ്യമന്ത്രിയുടെ നിർദേശങ്ങൾ.
