ഡൽഹി: സിക്കിം പ്രളയത്തിൽ കണാതായ 62 പേരെ ജീവനോടെ കണ്ടെത്തി. ഇനി 81 പേർ കൂടിയാണ് കാണാതായവരുടെ പട്ടികയിൽ ഉള്ളത്. അതെ സമയം 29 മൃതദേഹം കൂടി കണ്ടെടുത്തു. ഇതോടെ മരണം 73 ആയി. മരണപ്പെട്ടവരിൽ 19 പേരും പാക്യോങ് ജില്ലയിൽ നിന്നുള്ളവരാണ്. 7 പേർ സൈനികരും. പ്രളയം ബാധിച്ച വിവിധയിടങ്ങളിൽ നിന്നായി ഇതു വരെ 2,563 പേരെ രക്ഷപ്പെടുത്തിയിട്ടുണ്ട്.
1173 വീടുകളാണ് സംസ്ഥാനത്ത് മിന്നൽ പ്രളയത്തിൽ തകർന്നത്. പല മേഖലയിലും ശക്തമായ മഴ തുടരുകയാണ്. ഈ സാഹചര്യത്തിൽ രക്ഷാപ്രവർത്തനം ദുഷ്കരമാകുകയാണ്. കാണാതായ സൈനികരെയും ചുങ്താങ്ങിലെ തുരങ്കത്തിൽ കുടുങ്ങി കിടക്കുന്നവരെയും രക്ഷിക്കാനുള്ള ശ്രമങ്ങളും തുടരുകയാണ്. 1320 വീടുകളാണ് പ്രളയത്തിൽ ഒലിച്ചു പോയത്. 13 പാലങ്ങളും ഒലിച്ചു പോയി.
