തിരുവനന്തപുരം: 2 ദിവസമായി തുടർച്ചയായി പെയ്യുന്ന മഴയെതുടർന്ന് സംസ്ഥാനത്തെ വിവിധ അണക്കെട്ടുകൾ നിറഞ്ഞു. കനത്ത മഴ തുടരുന്ന സാഹചര്യത്തിൽ വിവിധ ഡാമുകളുടെ ഷട്ടറുകൾ ഉയരത്തി. പരിസര പ്രദേശങ്ങളിൽ ഉള്ളവർ ജാഗ്രത പാലിക്കണമെന്ന് അധികൃതർ അറിയിച്ചു.
പേപ്പാറ ഡാമിന്റെ ഷട്ടറുകൾ നിലവിൽ ആകെ 10 സെ മീ ഉയർത്തിയിട്ടുണ്ട്.വലിയ അളവിൽ നീരൊഴുക്ക് തുടരുന്ന സാഹചര്യത്തിൽ ഇന്ന് രാവിലെ 08:30 ന് അത് 70സെ മീ കൂടി വർധിപ്പിച്ച് ആകെ 80 സെ മീ ആയി ഉയർത്തി.
അതുപോലെ നെയ്യാർ ഡാമിന്റെ നാലു ഷട്ടറുകൾ നിലവിൽ 30സെ മീ വീതം 120സെ മീ ഉയർത്തിയിട്ടുണ്ട്.ഇന്ന് രാവിലെ 08:00ന് ഓരോ ഷട്ടറുകളും 40 സെ മീ കൂടി(ആകെ 280സെ മീ) ഉയർത്തി.
പാലക്കാട് കാഞ്ഞിരപ്പുഴ ഡാമിന്റെ മൂന്നു ഷട്ടറുകള്‍ 20 സെന്‍റീമീറ്റര്‍ വീതവും ഉയര്‍ത്തി. മലമ്പുഴ, ശിരുവാണി ഡാമുകളിലേക്കുള്ള നീരൊഴുക്കും കൂടി.
