തിരുവനന്തപുരം: തിരുവനന്തപുരം നേമത്ത് കാമുകൻ കാമുകിയുടെ കഴുത്തിൽ കുത്തി. യുവതിയുടെ കഴുത്തിൽ കത്തി ഉപയോഗിച്ച് കുത്തിയതിന് ശേഷം ഇയാൾ സ്വയം കഴുത്തറുത്ത് ജീവനൊടുക്കാൻ ശ്രമിച്ചു. ഇരുവരെയും തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. യുവതിയുടെ നില ഗുരുതരമായി തുടരുകയാണ്. യുവവാവ് അപകട നില തരണം ചെയ്തെന്നാണ് പ്രാഥമിക വിവരം.
രമ്യാ രാജീവൻ എന്ന യുവതിയാണ് ആക്രമണത്തിന് ഇരയായത്. ദീപക് എന്നയാളാണ് ആക്രമണം നടത്തിയത്. പ്രതി ദീപക് യുവതിയുടെ സുഹൃത്തായിരുന്നുവെന്നാണ് വിവരം. ഇന്ന് രാവിലെ രമ്യയുടെ വീട്ടിലെത്തിയ ദീപക്രമ്യയോട് ഇറങ്ങിവരാൻ ആവശ്യപ്പെട്ടു. എന്നാൽ രമ്യ അതിനു തയ്യാറായില്ല. ഇതേ തുടർന്നാണ് ആക്രമം.
കൈയ്യിൽ ഉണ്ടായിരുന്ന കത്തി ഉപയോഗിച്ചാണ് ദീപക് ആക്രമണം നടത്തിയത്. യുവതിയുടെ കഴുത്തിൽ യുവാവ് കത്തി ഉപയോഗിച്ച് കുത്തി. പിന്നീട് പ്രതി സ്വയം കഴുത്തറുക്കുകയായിരുന്നു. നേമം പോലീസ് സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു.
