ചെന്നൈ : ബസും കാറും കൂട്ടിയിടിച്ച് വൻ അപകടം. അപകടത്തിൽ 7 പേർ മരിച്ചു. കൃഷ്ണഗിരി ദേശീയ പാതയിൽ തിരുവണ്ണാമലയിൽ വെച്ചാണ് അപകടമുണ്ടായത്. 14 പേർക്ക് പരുക്കേറ്റു. മരിച്ചവരിൽ ആറു പേർ അസമിൽ നിന്നുള്ള അതിഥി തൊഴിലാളികളും ഒരാൾ തമിഴ്നാട്ടിൽ നിന്നുള്ളയാളാണ്. അസം സ്വദേശികളാണ് കാറിൽ സഞ്ചരിച്ചിരുന്നത്. ഇവർ ബാംഗ്ലൂരിലേക്ക് പോകുകയായിരുന്നു.
പുതുച്ചേരിയിൽ നിന്ന് ഹൊസൂരിലെ പശ ഫാക്ടറിയിലേക്കു പോകുകയായിരുന്ന തൊഴിലാളികളാണ് അപകടത്തിൽപ്പെട്ടത്. തമിഴ്നാട് സർക്കാർ ബസാണ് കാറുമായി കൂട്ടിയിടിച്ചത്. പൊലീസ് അന്വേഷണം ആരംഭിച്ചു.
