കഴക്കൂട്ടം: കോൺഗ്രസ് നേതാവ് എച്ച് പി ഷാജിയുടെ ഒന്നാം ചരമവാർഷികത്തോടനുബന്ധിച്ച് അനുസ്മരണ സമ്മേളനം സംഘടിപ്പിച്ചു. മംഗലപുരം ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച പരിപാടി മുൻ മന്ത്രി വി.എസ് ശിവകുമാർ ഉദ്ഘാടനം ചെയ്തു. ബ്ലോക്ക് കോൺഗ്രസ് പ്രസിഡൻ്റ് എം.എസ്. നൗഷാദിൻ്റെ അദ്ധ്യക്ഷതയിൽ നടന്ന സമ്മേളനത്തിൽ വച്ച് മേനംകുളം മണ്ഡലം കോൺഗ്രസ് കമ്മിറ്റി ആവിഷ്കരിച്ച കോൺഗ്രസ് കെയർ പദ്ധതിയുടെ പ്രവർത്തനോദ്ഘാടനവും നടന്നു. കിടപ്പു രോഗികൾക്ക് ചികിത്സാ സമാശ്വാസം നൽകുകയുണ്ടായി. ജില്ലാ കോൺഗ്രസ് ജനറൽ സെക്രട്ടറി ബെർബി ഫെർണാണ്ടസ് മുഖ്യ പ്രഭാഷണം നിർവ്വഹിച്ചു.
ജില്ലാ കോൺഗ്രസ് ജനറൽ സെക്രട്ടറിമാരായ കെ എസ് അജിത് കുമാർ, അഡ്വ.എസ് കൃഷ്ണകുമാർ , അഡ്വ.വി.കെ. രാജു, എം.ജെ. ആനന്ദ്, യൂത്ത് കോൺഗ്രസ് സംസ്ഥാന വൈസ് പ്രസിഡൻറ് ബി.എസ്. അനൂപ്, മഹിളാ കോൺഗ്രസ് സംസ്ഥാന സെക്രട്ടറി കുമാരി ഓമന, മുൻ ഡി.സി.സി.അംഗം അഡ്വ.എസ്. ഹാഷിം , മഹിളാ കോൺഗ്രസ് ജില്ലാ ജനറൽ സെക്രട്ടറി വസന്തകുമാരി, മണ്ഡലം പ്രസിഡൻ്റുമാരായ എച്ച്. പി.ഹാരിസൺ, കഠിനംകുളം ജോയി, എ. ആർ. നിസാർ, രഘുനാഥൻ, മൻസൂർ, എം.എസ്. ഉദയകുമാരി, ജി.ഗോപകുമാർ, ജലീൽ, വർക്കല ഹരിദാസ് എന്നിവർ അനുസ്മരണ പ്രഭാഷണങ്ങൾ നടത്തി.
