ദുബായ് : ആലപ്പുഴ സ്വദേശി ഹൃദയാഘാതത്തെ തുടർന്ന് ദുബായിൽ മരിച്ചു. ആലപ്പുഴ എടത്വ സ്വദേശി പരേതനായ മുണ്ടകത്തിൽ വർഗീസിന്റെയും വത്സമ്മയുടെയും മകൻ ജിറ്റു ഏബ്രഹാം (39) ആണ് മരിച്ചത്. സ്വകാര്യ കമ്പനിയിൽ കംപ്യൂട്ടർ എൻജിനീയറായിരുന്ന ജിറ്റു സജീവ സാമൂഹിക പ്രവർത്തകൻ കൂടിയായിരുന്നു.
ശനിയാഴ്ച രാത്രി 10.30ന് ദുബായിലെ താമസ സ്ഥലത്ത് വച്ച് അസ്വസ്ഥത ഉണ്ടാവുകയും ഉടൻ ആശുപത്രിയിൽ എത്തിക്കുകയുമായിരുന്നു. എന്നാൽ ജീവൻ നിലനിർത്താൻ ആയില്ല. അനില ഏബ്രഹാം ഭാര്യയും,അബ്രഹാം വർഗീസ് മകനുമാണ്. നിയമ നടപടികള്‍ക്ക് ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.
