ഷാർജ: സാംസ്കാരിക തലസ്താനമായ തൃശ്ശൂരിലെ , പാത്രമംഗലം എന്ന ഗ്രാമത്തിൽ നിന്നും, മലയാളസാഹിത്യ ലോകത്തേക്ക് നവാഗതനായി വന്നിരിക്കുന്ന ജഗന്റെ ‘ഗൗരി സാരംഗം’ എന്ന നോവലിന്റെ പ്രകാശനം 2023 എസ് ഐ ബി എഫിലെ റൈറ്റേഴ്സ് ഫോറത്തിൽ വച്ച് ദുബായ് വാർത്ത ചീഫ് എഡിറ്റർ, നിസാർ സയ്യ്യിദ് പ്രകാശനം ചെയ്തു. എം ടിയുടെയും , തകഴിയുടേയും ജനുസ്സിൽ കൂടി കടന്ന് മുകുന്ദനിലൂടെ വന്ന് ജഗനിൽ മലയാള സാഹിത്യം എത്തി നിൽക്കുന്നതായി നിസാർ സയ്യിദ് പറഞ്ഞു. പ്രശസ്ത എഴുത്തുകാരി ഗീത മോഹൻ ആണ് പുസ്തകത്തിന്റെ ആദ്യ പ്രതി സ്വീകരിച്ചത്.
ഗീത മോഹൻ, ഗൗരി സാരംഗം വരച്ചു കാട്ടുന്ന , പ്രായഭേദമന്യേ ഏതൊരാളുടേയും മനസ്സിന് കുളിരേകുന്ന പ്രണയത്തിന്റെയും സംഗീതത്തിന്റേയും ഇഴ ചേരലിനെ അനുമോദിച്ചു. പ്രശസ്ത നിരൂപകൻ പി കെ അനിൽകുമാർ ഫേസ്ബുക്ക് കുറിപ്പിലൂടെ വിഖ്യാത സാഹിത്യകാരൻമാർ ജന്മമെടുക്കുന്ന ഈ കാലത്ത് വൈക്കം മുഹമ്മദ് ബഷീറിനെ പോലെ പച്ചയായ ഒരു മനുഷ്യന്റെ നോവലാണ് ഗൗരി സാരംഗം എന്ന് പറഞ്ഞു.
നടൻ സുദീപ് കോശി നോവലിലെ ഒരു വാചകത്തെ ഉദ്ധരിച്ചു കൊണ്ട് , ” സാധാരണക്കാരായവരുടെ ജീവിതത്തിലെ അസാധാരണമായ സംഭവവികാസങ്ങൾ വരച്ചുകാട്ടുന്ന ഒരു സാഹിത്യ സൃഷ്ടിയാണ് ” ഗൗരി സാരംഗം” എന്ന് പറഞ്ഞ് നിർത്തി. സംവിധായകരായ അൽത്താസ് അലി, സ്വാബ്രി സുദീപ് ഇ എസ്സും ആശംസകൾ അർപ്പിച്ചു. ഗ്രീൻ ബുക്സാണ് നോവൽ പബ്ലിഷ് ചെയ്തിരിയ്ക്കുന്നത്.
