തിരുവനന്തപുരം: യൂത്ത് കോൺഗ്രസ് പ്രവർത്തകർക്ക് പിന്തുണയുമായി നടനും ബിജെപി നേതാവുമായ സുരേഷ് ഗോപി. നവകേരള ബസിനു മുന്നിൽ ചാടി മുഖ്യമന്ത്രിക്കെതിരെ കരിങ്കൊടി കാണിച്ച പ്രവർത്തകർക്ക് പിന്തുണയുമായിട്ടാണ് താരം രംഗത്തെത്തിയത്. ജനങ്ങൾക്ക് വേണ്ടിയാണ് യൂത്ത് കോണ്ഗ്രസ് പ്രവര്ത്തകര് തല്ലുകൊണ്ടതും വണ്ടിയ്ക്ക് മുന്നില് ചാടിയതെന്നും സുരേഷ് ഗോപി പറഞ്ഞു.
ജനങ്ങളുടെ ശബ്ദമാണ് പ്രതിപക്ഷമെന്നും അവരെ നമ്മൾ പിന്തുണയ്ക്കണമെന്നും അദ്ദേഹം ആവശ്യപ്പെട്ടു. ജനകീയ സമരങ്ങൾ ശക്തി പ്രാപിക്കേണ്ട കാലം വളരെയധികം അതിക്രമിച്ചു കഴിഞ്ഞിരിക്കുന്നെന്നും അദ്ദേഹം അഭിപ്രായപ്പെട്ടു.
ഭരണകൂടം തെറ്റു കാണിച്ചാൽ അത് ചൂണ്ടിക്കാട്ടുകയാണ് പ്രതിപക്ഷത്തിൻ്റെ ധർമ്മം. യൂത്ത് കോണ്ഗ്രസ് ആയതിനാല് അവരെ മാറ്റി നിറുത്തേണ്ടതില്ല. തിരഞ്ഞെടുത്ത ഉത്തരവാദിത്വം പേറുന്ന ആളുകള് പോലും എന്താ ചെയ്തതെന്ന് വ്യക്തതയില്ലാത്ത രാജ്യമാണ് നമ്മുടേതെന്നും അദ്ദേഹം പറഞ്ഞു.
