കൊച്ചി: കുസാറ്റില് ഫെസ്റ്റിനിടെയുണ്ടായ അപകടത്തിൽ ഉന്നത വിദ്യാഭ്യാസ വകുപ്പ് അന്വേഷണം പ്രഖ്യാപിച്ചു. സംഭവത്തിൽ ഉന്നത വിദ്യാഭ്യാസ മന്ത്രി ആര് ബിന്ദു റിപ്പോര്ട്ട് തേടി. വിസിയോടും ഉന്നത വിദ്യാഭ്യാസ പ്രിൻസിപ്പൽ സെക്രട്ടറിയോടുമാണ് റിപ്പോർട്ട് ആവശ്യപ്പെട്ടത്. സംഭവത്തില് കളമശ്ശേരി പൊലീസ് കേസെടുത്തു.
വിദ്യാര്ത്ഥികളുടെ മൊഴികള് ഇന്ന് രേഖപ്പെടുത്തും. ഇന്നലെ വൈകിട്ടാണ് സര്വ്വകലാശാല ക്യാമ്പസിൽ ടെക് ഫെസ്റ്റിന്റെ ഭാഗമായ ഗാനമേളയ്ക്ക് തൊട്ടുമുമ്പുണ്ടായ തിക്കിലും തിരക്കിലും മൂന്ന് വിദ്യാര്ത്ഥികളടക്കം നാല് പേര് മരിച്ചത്. 51 ഓളം പേർക്കാണ് പരുക്കേറ്റിരിക്കുന്നത്. ഇവരിൽ ഒരാളുടെ നില ഗുരുതരമാണ്. സ്കൂള് ഓഫ് എഞ്ചിനിയറിംഗ് വിദ്യാര്ത്ഥികള് സംഘടപിച്ച ടെക്ഫെസ്റിന്രെ ഭാഗമായി കാമ്പസിനകത്തുള്ള ആംഫി തീയ്യേറ്ററില് സംഘടിപ്പിച്ച സംഗീത നിശയില് പങ്കെടുക്കാനെത്തിയവരാണ് അപടകത്തില് പെട്ടത്.
