തിരുവനന്തപുരം: രാജ്യാന്തര ചലച്ചിത്രമേളയെ രാഗസാന്ദ്രമാക്കാൻ നാളെ പ്രമുഖ മ്യൂസിക് ബാൻഡ് രാഗവല്ലിയുടെ ഫ്യുഷൻ ഗാനസന്ധ്യ അരങ്ങേറും .തിങ്കളാഴ്ച വൈകിട്ട് 7ന് മാനവീയം വീഥിയിലാണ് പരിപാടി. മണിച്ചിത്രത്താഴിലെ പഴന്തമിഴ് പാട്ടിഴയും, ഒരു മുറൈ വന്ത് പാർത്തായാ എന്നീ ഗാനങ്ങളുടെ ഫ്യുഷനിലൂടെയും റോക്ക് ആൻഡ് റോളിലെ ഗാനത്തിലൂടെയും പ്രസിദ്ധമായ ഈ ബാൻഡിൽ 13 ഗായകരാണ് ഉൾപ്പെടുന്നത്. പാലക്കാട് ചെമ്പൈ മെമ്മോറിയൽ ഗവൺമെന്റ് മ്യൂസിക് കോളേജിൽ നിന്നുള്ള 16 അംഗ സംഘമാണ് ബാൻഡിനെ നയിക്കുന്നത് .
