ലഖ്നൗ: അയോധ്യയിലെ രാമക്ഷേത്രത്തിൽ നടക്കുന്ന പ്രതിഷ്ഠാ ചടങ്ങിലേക്ക് മോഹൻ ലാലിനും മാതാ അമൃതാനന്ദമയിക്കും ക്ഷണം. ജനുവരി 16 മുതല് 22 വരെയാണ് പ്രതിഷ്ഠാ ചടങ്ങ് നടക്കുക. പ്രധാനമന്ത്രി നരേന്ദ്ര മോദിയും പരിപാടിയിൽ പങ്കെടുക്കും.
അമൃത മഹോത്സവമെന്നാണ് അയോധ്യയിലെ രാമക്ഷേത്രത്തിൽ നടക്കുന്ന പ്രതിഷ്ഠാ ചടങ്ങിന് പേര് നല്കിയിരിക്കുന്നത്. രാമ വിഗ്രഹം ജനുവരി 22ന് പ്രതിഷ്ഠിക്കും. പ്രധാനമന്ത്രിയുടെ സാന്നിധ്യത്തിലാകും ചടങ്ങ് നടക്കുക. ജനുവരി 23 മുതലാണ് ക്ഷേത്രം ഭക്തര്ക്കായി തുറന്ന് നല്കുക.
പരിപാടിയില് എഴായിരം പേരാണ് പങ്കെടുക്കുക. വാരാണസിയിലെ വേദ പണ്ഡിതന് ലക്ഷ്മികാന്ത് ദീക്ഷിത് ആണ് ചടങ്ങുകള്ക്ക് നേതൃത്വം നല്കുക.കാശി വിശ്വനാഥ്, വൈഷ്ണോദേവി തുടങ്ങിയ പ്രധാനക്ഷേത്രങ്ങളിലെ മുഖ്യപുരോഹിതന്മാർ ഉൾപ്പടെ നാലായിരം പുരോഹിതർ ചടങ്ങിൽ പങ്കെടുക്കും. കൂടാത്ത ചലച്ചിത്ര മേഖലയിൽ നിന്നുള്ള നിരവധി പേരും പങ്കെടുക്കും.
