കോഴിക്കോട്: കോഴിക്കോട് കക്കയത്തെ ടൂറിസം കേന്ദ്രങ്ങൾ അടച്ചു. കാട്ടുപോത്ത് ആക്രമണത്തെ തുടർന്നാണ് കേന്ദ്രങ്ങൾ അടച്ചത്. ഹൈഡല്‍ ടൂറിസം, ഇക്കോ ടൂറിസം , ഹൈഡല്‍ ടൂറിസം കേന്ദ്രങ്ങളാണ് താല്‍ക്കാലികമായി അടച്ചത്.
കരിയാത്തംപാറ കക്കയം ഡാം സെറ്റിലാണ് ഇന്നലെ ആക്രമണമുണ്ടായത്. ഇതേ തുടർന്നാണ് സഞ്ചാരികൾക്ക് വിലക്കേർപ്പെടുത്തിയത്. കാട്ടുപോത്തിനെ തുരത്താൻ വനംവകുപ്പിന്‍റെ പ്രത്യേകസംഘം ഇന്നെത്തും. കഴിഞ്ഞ ദിവസം കൂടരഞ്ഞിയിലെ ബന്ധുവീട്ടില്‍ വിരുന്നെത്തിയ ശേഷം ഡാം പരിസരത്ത് എത്തിയവരാണ് ആക്രമണത്തിന് ഇരയായത്. ആക്രമണത്തിൽപ്പെട്ട ഇടപ്പള്ളി സ്വദേശി അപകടനില തരണം ചെയ്തു.
