തിരുവനന്തപുരം: ഇലക്ട്രിക് ബസുകൾ ലാഭത്തിലെന്ന് കെഎസ്ആര്‍ടിസി വാർഷിക റിപ്പോർട്ട്. കഴിഞ്ഞ ദിവസം ഇലക്ട്രിക് ബസ്സുകള്‍ ലാഭകരമല്ലെന്ന് ഗതാഗത വകുപ്പ് മന്ത്രി കെ ബി ഗണേഷ് കുമാർ പറഞ്ഞിരുന്നു. എന്നാൽ ഈ വാദം തെറ്റെന്ന് തെളിയിക്കുന്നതാണ് കെഎസ്ആർടിസിയുടെ വാർഷിക റിപ്പോർട്ടിൽ പറയുന്നത്.
ഏപ്രിൽ മുതൽ ഡിസംബർ വരെയുള്ള കണക്കുകളാണ് പുറത്തുവന്നത്. ഇത് പ്രകാരം ഈ കാലയളവിൽ 288. 91 ലക്ഷം ലാഭമൂണ്ടാക്കി. ഈ കാലയളവില്‍ 18901 സര്‍വീസ് നടത്തിയത്. 28. 45 രൂപയാണ് ഒരു കിലോമീറ്റർ ഓടാൻ ശമ്പളവും ഇന്ധനത്തിനും ചെലവുവരുന്നത്. 36.66 രൂപ ശരാശരി വരുമാനം ലഭിച്ചു. ചെലവുകൾ കഴിഞ്ഞ് കിലോ മിറ്ററിന് 8 രൂപ 21 പൈസ ലാഭം ലഭിക്കുന്നുണ്ടെന്നാണ് റിപ്പോർട്ട് വ്യക്തമാക്കുന്നത്.
