തിരുവനന്തപുരം: അയോധ്യയിലെ പ്രാണപ്രതിഷ്ഠ ചടങ്ങിൽ പ്രതികരണവുമായി ബി ജെ പി സംസ്ഥാന അധ്യക്ഷൻ കെ സുരേന്ദ്രൻ. കേരളത്തിൽ രാമ തരംഗം അലയടിക്കുകയാണെന്ന് കെ സുരേന്ദ്രൻ പറഞ്ഞു. കൂടാതെ പ്രാണപ്രതിഷ്ഠ കേരളത്തിലെ ജനങ്ങൾ ഏറ്റെടുത്തെന്നും അദ്ദേഹം പറഞ്ഞു.
ഇന്ന് വൈകുന്നേരം വിലക്കുകൾ ലംഘിച്ച് രാജ്യമെമെമ്പാടും ദീപങ്ങൾ തെളിയിക്കുമെന്നും കേരളത്തിലെ പൊതുസമൂഹം പ്രാണപ്രതിഷ്ഠയെ ഇരു കൈയും നീട്ടിയാണ് സ്വീകരിച്ചതെന്നും സുരേന്ദ്രൻ വ്യക്തമാക്കി. കോണ്ഗ്രസ്, സി.പി.എം. നേതാക്കളുടെ നിലപാടിനെ കേരളത്തിലെ ജനങ്ങള് തള്ളിക്കളഞ്ഞിരിക്കുകയാണ്. ചടങ്ങിൽ കോൺഗ്രസും കമ്മ്യൂണിസ്റ്റും പങ്കെടുത്തില്ലെന്നും ആ നിലപാട് വിശ്വാസികൾ തള്ളി കളഞ്ഞെന്നും സുരേന്ദ്രൻ കൂട്ടിച്ചേർത്തു.
