തിരുവനന്തപുരം: രാജ്യത്ത്ഫാസിസ്റ്റ് മുന്നേറ്റം ചെറുക്കാൻ വൻ ജനകീയ പ്രക്ഷോഭം അനിവാര്യമാണെന്നും മതേതര കക്ഷികൾ യോജിച്ച പ്രക്ഷോഭത്തിന്ന് തയ്യാറാകണമെന്നും അതിൽ വനിതകൾക്ക് സുപ്രധാനമായ പങ്കുവഹിക്കാൻ കഴിയുമെന്നും മുൻ മന്ത്രിയും ഐ എൻ എൽ സംസ്ഥാന പ്രസിഡന്റുമായ അഹമ്മദ് ദേവർകോവിൽ എം എൽ എ അഭിപ്രായപ്പെട്ടു. നാഷണൽ വിമൺസ് ലീഗ് തിരുവനന്തപുരം ജില്ലാ കൺവെൻഷൻ ഉൽഘാടനം ചെയ്തു സംസാരിക്കുകയായിരുന്നു അദ്ദേഹം.
NWL ജില്ലാ പ്രസിഡന്റ് നജുമുന്നിസ അധ്യക്ഷത വഹിച്ചു. ഐ എൻ എൽ സംസ്ഥാന സെക്രട്ടറി അഡ്വ. ജെ. തംറൂഖ് മുഖ്യപ്രഭാഷണം നടത്തി. ഐ എൻ എൽ ജില്ലാ ജനറൽ സെക്രട്ടറി സജീർ കല്ലമ്പലം,വി. എസ്. സുമ, ഷിംലസലിം,സബീർ തോളിക്കുഴി, എം ബഷറുള്ള, സലിം നെടുമങ്ങാട്, ഹിദായത്ത്, നസീർ തോളിക്കോട്, റാഫി പൊങ്ങുമൂട്, അബ്ദുൽ സത്താർ,ബുഹാരി മന്നാനി ,മുഹമ്മദ് സജിൽ തുടങ്ങിയവർ സംസാരിച്ചു.
പുതിയ ഭാരവാഹികളായി നജുമ്മുന്നിസ (പ്രസിഡന്റ് ),മുംതാസ്, തൻസീല, ഷൈല (വൈസ് പ്രസിഡന്റ് ), വി എസ് സുമ (ജനറൽ സെക്രട്ടറി ),ബിൻസ, അജിത (സെക്രട്ടറിമാർ ), ഷിംല സലിം (ട്രഷറർ ). തുടങ്ങിയവരെ തിരഞ്ഞെടുത്തു
