തിരുവനന്തപുരം: തിരുവനന്തപുരത്ത് നിന്ന് കാണാതായ രണ്ടു വയസുകാരിയെ കണ്ടെത്തി. മണിക്കൂറുകളുടെ തിരച്ചിലിനൊടുവിൽ കൊച്ചുവെളി റെയിൽ വേ സ്റ്റേഷൻ സമീപത്തു നിന്നുള്ള ഓടയിൽ നിന്നാണ് കുട്ടിയെ കണ്ടെത്തിയത്. കുട്ടിയെ ഉടൻ തന്നെ എസ് എ ടി ആശുപത്രിയിലേക്ക് മാറ്റി.
കാഴ്ച്ചയിൽ കുട്ടിക്ക് ആരോഗ്യ പ്രശ്നങ്ങളില്ലെന്നും ബാക്കി കാര്യങ്ങൾ മെഡിക്കൽ പരിശോധനയിൽ അറിയുമെന്നും ഡിസിപി നിധിൻ രാജ് പറഞ്ഞു. മണ്ണന്തല എസ് എച്ച് ഒ ബിജു കുറുപ്പിന്റെ നേതൃത്വ ത്തിൽ നടന്ന പരിശോധനയിലാണ് കുട്ടിയെ കണ്ടെത്തിയത്. അതെ സമയം കുട്ടി എങ്ങനെ അവിടെയെത്തി എന്നതിനെ കുറിച്ച് പിന്നീട് വിശദീകരിക്കുമെന്നും ഡി സി പി പറഞ്ഞു. കുട്ടിയെ തട്ടിക്കൊണ്ടുപോയവരെ കുറിച്ചുള്ള സൂചന പൊലീസിന് ലഭിച്ചിട്ടുണ്ട്.
നാട്ടുകാരാണ് കുട്ടിയെ ഉപേക്ഷിച്ച നിലയില് കണ്ടെത്തിയ കാര്യം പൊലീസില് അറിയിച്ചത്. എന്നാൽ പൊലീസ് അന്വേഷണം ഊര്ജിതമാക്കിയതോടെ കുട്ടിയെ തട്ടിക്കൊണ്ടുപോയവര് രാത്രിയായപ്പോള് ഉപേക്ഷിച്ച് കടന്നുകളഞ്ഞതാണെന്നാണ് പുറത്തു വരുന്ന റിപ്പോർട്ടുകൾ.
