കഴക്കൂട്ടം: വഴിയിൽ തടഞ്ഞ് നിറുത്തി പണംപിടിച്ചുപറിച്ച കേസിലെ രണ്ടാം പ്രതി അറസ്റ്റിൽ. കഴക്കൂട്ടം സ്വദേശി സന്ദീപാണ് പിടിയിലായത്.
ഈ മാസം 17 നാണ് കേസിനാസ്പദമായ സംഭവം നടന്നത്. സുഹ്യത്തിൻറെ വീട്ടിൽ നിന്നും ബൈക്കിൽ തിരിച്ചു വരികയായിരുന്ന അരവിന്ദിനെയും ബൈക്കിൻറെ പുറകിൽ ഇരുന്ന സുഹൃത്ത് ഉണ്ണിയേയും കഴക്കൂട്ടം പോലീസ് സ്റ്റേഷൻ പരിധിയിലെ കാർത്തിക പാർക്ക് ബാർ സമീപം വച്ച് സന്ദീപ് തടഞ്ഞു നിർത്തി. തുടർന്ന് ഇരുവരെയും കൈമുറിക്കിയിടിച്ചും, കവിളിൽ അടിച്ചും ബൈക്ക് ചവിട്ടി തള്ളിയിടുകയും ചെയ്തു.
അതിനു ശേഷം അരവിന്ദ് ചെവിയിൽ ധരിച്ചിരുന്ന ഏകദേശം രണ്ട് ഗ്രാം തൂക്കം വരുന്ന സ്വർണ്ണക്കമ്മലും, സുഹ്യത്ത് ഉണ്ണിയുടെ പോക്കറ്റിൽ ഉണ്ടായിരുന്ന 4000/- രൂപയും എടുത്തു ഇയാൾ ഓടി രക്ഷപെടുകയായിരുന്നു. തുടർന്ന് പൊലീസ് നടത്തിയ അന്വേഷണത്തിനൊടുവിൽ പ്രതിയെ പിടികൂടുകയായിരുന്നു.
