കണ്ണൂർ; കഴിഞ്ഞ ദിവസങ്ങളിലായി തിരുവനന്തപുരത്ത് നടന്ന കേരള സർവ്വകലാശാല കലോത്സവത്തിൽ കോഴ ആരോപണം നേരിട്ട വിധികർത്താവ് മരിച്ച നിലയിൽ. കണ്ണൂർ ചൊവ്വ സ്വദേശി പി.എൻ.ഷാജിയാണ് കണ്ണൂരിലെ വീട്ടിൽ മരിച്ച നിലയിൽ കണ്ടെത്തിയത്.
മൃതദേഹത്തിന് സമീപം നിന്നും ആത്മഹത്യാ കുറിപ്പ് പോലീസിന് ലഭിച്ചു.
തനിക്ക് എതിരെയുള്ള കോഴ ആരോപണത്തിൽ ഒരു കഴമ്പുമില്ലന്നും താൻ നിരപരാധിയാണെന്നുമാണ് ആത്മഹത്യ കുറിപ്പിൽ പറയുന്നതായാണ് പോലീസ് നൽകുന്ന വിവരം.
തിരുവനന്തപുരം കൻ്റോൺമെൻ്റ് സ്‌റ്റേഷനിൽ നാളെ ഹാജരാകാൻ പോലീസ് പി എൻ ഷാജിയെ അറിയിച്ചിരുന്നു. ഇതിന് പിന്നാലെയാണ് ഷാജി കണ്ണൂരിലെ വീട്ടിൽ മരിച്ച നിലയിൽ കണ്ടെത്തിയത്.
ആത്മഹത്യ കുറിപ്പ് കണ്ടെത്തിയതോടെ വിധികർത്താവായ പി എൻ ഷാജി മനംനൊന്ത് ആത്മഹത്യ ചെയ്യ്തതാകാമെന്നാണ് പോലീസ് കരുതുന്നത്.
