ചെന്നൈ: പബ്ബിന്റെ മേല്‍ക്കൂര തകര്‍ന്നുവീണ് മൂന്ന് മരണം. ചെന്നൈ ആള്‍വാര്‍പേട്ടിലുള്ള പബ്ബിന്റെ മേല്‍ക്കൂര ഇടിഞ്ഞാണ് അപകടം സംഭവിച്ചത്. സേഖ്മെറ്റ് പബ്ബിലെ ജീവനക്കാരാണ് മരിച്ചത്. ജീവനക്കാരായ മണിപ്പൂര്‍ സ്വദേശികള്‍ മാക്‌സ്, ലാലി എന്നിവരാണ് മരിച്ചത്.
ഒന്നാം നിലയുടെ മേല്‍ക്കൂരയാണ് തകര്‍ന്നുവീണത്. അപകടത്തിന്‍റെ കാരണം വ്യക്തമല്ല. രാത്രി 8 മണിയോടെയാണ് അപകടമുണ്ടായത്. പബ്ബിനുള്ളില്‍ ആരും തന്നെ ഇപ്പോള്‍ കുടുങ്ങിക്കിടപ്പില്ലെന്ന് രക്ഷാ പ്രവര്‍ത്തകരും ഫയര്‍ ഫോഴ്‌സും അറിയിച്ചു. അടുപ്പിച്ചുള്ള അവധി ദിവസമായതിനാൽ തന്നെ പബ്ബിനുള്ളിൽ തിരക്ക് ഉണ്ടായിരുന്നു.
