കൊച്ചി : പൂക്കോട് വെറ്ററിനറി സര്വകലാശാല വിദ്യാര്ത്ഥി സിദ്ധാർത്ഥന്റെ അച്ഛൻ ജയപ്രകാശ് ഹൈക്കോടതിയിൽ. മകന്റെ മരണത്തിൽ മുഖ്യമന്ത്രി പ്രഖ്യാപിച്ച സിബിഐ അന്വേഷണം വൈകുന്നതിനെതിരെയാണ് അച്ഛൻ ജയപ്രകാശ് ഹൈക്കോടതിയെ സമീപിച്ചത്. അന്വേഷണം വേഗത്തിലാക്കാൻ നിർദേശം നൽകണമെന്ന് ആവശ്യപ്പെട്ട് അദ്ദേഹം കോടതിയിൽ ഹർജി നൽകി. ഹർജി നാളെ കോടതി പരിഗണിക്കും.
കേന്ദ്ര-സംസ്ഥാന സര്ക്കാരുകള്, സിബിഐ എന്നിവരെ എതിർ കക്ഷികളാക്കി കൊണ്ടാണ് ജയപ്രകാശ് ഹർജി സമർപ്പിച്ചിരിക്കുന്നത്. കേസ് അന്വേഷണം വൈകുംതോറും തെളിവുകള് ഇല്ലാതാകുമെന്നും സിബിഐ അന്വേഷണം വൈകിപ്പിക്കാന് സംസ്ഥാന സര്ക്കാര് ശ്രമിക്കുകയാണെന്നും ഹര്ജിയില് പറയുന്നു. കൂടാതെ സിദ്ധാര്ത്ഥന്റെ മരണം അന്വേഷിക്കുന്ന ഗവര്ണര് നിയോഗിച്ച അന്വേഷണ കമ്മീഷനില് വിശ്വാസമുണ്ടെന്നും ജയപ്രകാശ് വ്യക്തമാക്കി.
