കണ്ണൂര്: കണ്ണൂരില് വിവിധയിടങ്ങളില് ബോംബ് സ്ക്വാഡിന്റെ വ്യാപക പരിശോധന. പാനൂര് ബോംബ് സ്ഫോടനത്തിന്റെ പശ്ചാത്തലത്തിലാണ് ഇപ്പോൾ പരിശോധന നടത്തുന്നത്. നിലവിൽ പാനൂര്, കൊളവല്ലൂര്, കൂത്തുപറമ്പ് മേഖലകളിലാണ് പരിശോധന നടക്കുന്നത്.
സംസ്ഥാനമാകെ സുരക്ഷ വര്ധിപ്പിക്കുന്നതിന്റെ ഭാഗമായി പൊലീസ് പരിശോധനകളും വ്യാപകമാക്കിയിട്ടുണ്ട്. ഇന്നലെ കണ്ണൂര്-കോഴിക്കോട് അതിര്ത്തി പ്രദേശങ്ങളിലും പരിശോധന നടത്തിയിരുന്നു.
പാനൂര് കുന്നോത്ത് പറമ്പില് വെള്ളിയാഴ്ച പുലര്ച്ചെയാണ് ബോംബ് നിര്മ്മാണത്തിനിടെ സ്ഫോടനമുണ്ടായത്. സ്ഫോടനത്തില് ഒരാള് കൊല്ലപ്പെട്ടിരുന്നു. ഒരാളുടെ നില ഗുരുതരമായി തുടരുകയാണ്. സംഭവത്തിൽ നാല് പേരെ പൊലീസ് കസ്റ്റഡിയിലെടുത്തു.
