ഡൽഹി: ഡൽഹി മദ്യനയ അഴിമതി കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്രിവാളിന് തിരിച്ചടി. അരവിന്ദ് കെജ്രിവാൾ നൽകിയ ഹർജി കോടതി തള്ളി. മാത്രമല്ല കെജ്രിവാളിന്റെ അറസ്റ്റ് കോടതി ശരിവച്ചു.
ജസ്റ്റിസ് സ്വര്ണകാന്ത ശര്മയുടെ സിംഗിള് ബെഞ്ചാണ് ഹര്ജിയില് വിധിപറഞ്ഞത്. തന്റെ അറസ്റ്റ് ചോദ്യം ചെയ്ത് കെജ്രിവാള് സമര്പ്പിച്ച ഹര്ജിയാണ് ഡല്ഹി ഹൈക്കോടതി തള്ളിയത്.കെജ്രിവാൾ അഴിമതി നടത്തിയെന്നാണ് ഇഡി വാദിക്കുന്നതെന്നും ഗൂഢാലോചനയ്ക്ക് തെളിവുകളുണ്ടെന്നും കോടതി വ്യക്തമാക്കി.
മുഖ്യമന്ത്രിയെന്ന പ്രത്യേക പരിഗണന നൽകാനാവില്ലെന്നും അറസ്റ്റ് സമയം തീരുമാനിക്കേണ്ടത് അന്വേഷണ ഏജൻസിയാണെന്നും കോടതി വ്യക്തമാക്കി. മാര്ച്ച് 21നാണ് ഡല്ഹി മുഖ്യമന്ത്രിയെ ഇ ഡി അറസ്റ്റ് ചെയതത്. ഏപ്രില് 15 വരെ കെജ്രിവാളിനെ ജുഡീഷ്യല് കസ്റ്റഡിയില് റിമാന്ഡ് ചെയ്തിരിക്കുകയാണ്.
