ശ്രീനഗർ: ജമ്മു കശ്മീരിലെ ഝലം നദിയിൽ ബോട്ട് മറിഞ്ഞു അപകടം. അപകടത്തിൽ ആറ് കുട്ടികള്‍ മരിച്ചു. ഏഴു പേരെ രക്ഷപ്പെടുത്തി.നിരവധി പേരെ കാണാനില്ല. 20 പേരാണ് ബോട്ടിൽ ഉണ്ടായിരുന്നതെന്നാണ് പ്രാഥമിക നിഗമനം. ഇന്ന് രാവിലെയാണ് അപകടം സംഭവിച്ചത്.
സ്കൂൾ വിദ്യാർഥികളാണ് അപകടത്തിൽപ്പെട്ടവരിൽ കൂടുതൽ എന്നാണ് പുറത്തുവരുന്ന റിപ്പോർട്ടുകൾ. രക്ഷാപ്രവർത്തനം പുരോഗമിക്കുകയാണ്. കഴിഞ്ഞ ദിവസം ജമ്മു കശ്മീരിൽ കനത്ത മഴ പെയ്തിരുന്നു. തുടർന്ന് അവിടെയുള്ള നദികളിൽ വെള്ളം ക്രമാതീതമായി ഉയർന്നിരുന്നു.
