തിരുവനന്തപുരം: തിരുവനന്തപുരം കഴക്കൂട്ടത്ത് വീട് കുത്തി തുറന്ന് വൻ കവർച്ച. ഏകദേശം 35 പവൻ സ്വർണമാണ് മോഷണം പോയത്. കഴക്കൂട്ടം വിളയിൽകുളം സൗപർണ്ണികയിൽ ശ്യാമിൻ്റെ വീട്ടിലാണ് മോഷണം നടന്നത്.
ഇവർ കുടുംബസമേതം യാത്ര പോയ സമയത്ത് ആയിരുന്നു മോഷണം. കഴിഞ്ഞ വെള്ളിയാഴ്ചയാണ് ഇവർ കുടുംബസമേതം മൂകാംബികയിലേക്ക് യാത്രതിരിച്ചത്. ഇന്ന് ഉച്ചകഴിഞ്ഞാണ് ഇവർക്ക് മടങ്ങിയെത്തിയത്. ഇവർ തിരികെ വീട്ടിലെത്തിയപ്പോഴാണ് മോഷണ വിവരം അറിയുന്നത്.
മുൻ വാതിൽ തകർത്ത നിലയിലായിരുന്നു കാണപ്പെട്ടത്. തുടർന്നു അകത്ത് പരിശോധിച്ചപ്പോഴാണ് അലമാരയിൽ സൂക്ഷിച്ചിരുന്ന 35 പവനോളം സ്വർണ്ണം നഷ്ടമായത് കണ്ടെത്തിയത്. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
