തിരുവനന്തപുരം: വോട്ടെടുപ്പ് ആരംഭിച്ച് മണിക്കൂറുകൾ പിന്നിടുമ്പോൾ കനത്ത പോളിംഗ് ആണ് മിക്ക സ്ഥലങ്ങളിലും കാണാൻ കഴിയുന്നത്. വേനൽ ചൂടിനെ വകവയ്ക്കാതെ തിരഞ്ഞെടുപ്പ് ചൂടിലാണ് സംസ്ഥാനത്തെ 20 മണ്ഡലങ്ങളും. രാവിലെ 7 മണിയോടെ ആരംഭിച്ച പോളിങ്ങിൽ പല മണ്ഡലങ്ങളിലും നീണ്ട നിരയാണ് കാണപ്പെടുന്നത്.
തിരഞ്ഞെടുപ്പ് ആരംഭിച്ച് അഞ്ചു മണിക്കൂർ പിന്നിടുമ്പോൾ 33.40% ആണ് പോളിംഗ് നിരക്ക്. ആറ്റിങ്ങൽ മണ്ഡലത്തിലാണ് ഇപ്പോൾ പോളിങ് ശതമാനം കൂടുതൽ രേഖപ്പെടുത്തിയിരിക്കുന്നത്. 35.15% ആണ് ഇവിടുത്തെ പോളിംഗ് ശതമാനം. തൊട്ട് പിറകിലായി തന്നെ ആലപ്പുഴയും പാലക്കാടും ഉണ്ട്. ഇവിടെ 35.13% വും 35.10% വുമാണ്. ഏറ്റവും കുറവ് പോളിംഗ് ശതമാനം ഉള്ളത് പൊന്നാനിയിലാണ്. 29.66% ആണ് ഇവിടത്തെ നിരക്ക്.
തിരുവനന്തപുരം-32.55%
ആറ്റിങ്ങൽ-35.15%
കൊല്ലം-33.07%
പത്തനംതിട്ട-33.63%
മാവേലിക്കര-33.80%
ആലപ്പുഴ-35.13%
കോട്ടയം-33.50%
ഇടുക്കി-33.40%
എറണാകുളം-32.92%
ചാലക്കുടി-34.79%
തൃശൂർ-33.48%
പാലക്കാട്-35.10%
ആലത്തൂർ-33.27%
പൊന്നാനി-29.66%
മലപ്പുറം-31.58%
കോഴിക്കോട്-32.71%
വയനാട്-34.12%
വടകര-32.18%
കണ്ണൂർ-34.51%
കാസർഗോഡ്-33.82%
എന്നിങ്ങനെയാണ് നിലവിലെ പോളിങ് ശതമാനം.
