തിരുവനന്തപുരം: തിരുവനന്തപുരം നെയ്യാറ്റിൻകരയിൽ ആത്മഹത്യക്ക് ശ്രമിച്ച ഗൃഹനാഥൻ മരിച്ചു. സഹകരണ ബാങ്കിലെ നിക്ഷേപം ലഭിക്കാത്തതിൽ മനം നൊന്താണ് ആത്മഹത്യയെന്നാണ് പുറത്തുവരുന്ന വിവരം. നെയ്യാറ്റിൻകര മരുതത്തൂർ സ്വദേശി തോമസ് സാഗരമാണ് ചികിത്സയിലിരിക്കെ മരിച്ചത്.
പെരുമ്പഴുതൂർ സഹകരണ ബാങ്കിലാണ് തോമസ് പണം നിക്ഷേപിച്ചിരുന്നത്. അഞ്ച് ലക്ഷം രൂപയാണ് തോമസ് നിക്ഷേപിച്ചത്. എന്നാൽ പണം എടുക്കാൻ ചെന്നപ്പോൾ പണം എടുക്കാൻ സാധിച്ചിരുന്നില്ല. നിക്ഷേപിച്ച പണം തിരികെ ലഭിക്കാത്തതിനാലാണ് ആത്മഹത്യ ചെയ്തതെന്നാണ് ബന്ധുക്കൾ ആരോപിക്കുന്നത്. പൊലീസ് സ്ഥലത്തെത്തി അന്വേഷണം ആരംഭിച്ചു.
