കൊച്ചി: നിയന്ത്രണം വിട്ട കണ്ടെയ്നര് ലോറി മെട്രോ തൂണിലേക്ക് ഇടിച്ചുകയറി അപകടം. സംഭവത്തിൽ രണ്ടു പേര് മരിച്ചു. എറണാകുളത്തേക്ക് വരികയായിരുന്ന കണ്ടെയ്നർ ലോറിയാണ് ആലുവയിൽ വച്ച് അപകടത്തിൽപ്പെട്ടത്. ഇന്ന് പുലർച്ചെ 1.50 നായിരുന്നു അപകടം.
ആന്ധ്രയിൽ നിന്നും മത്സ്യവുമായി വരികയായിരുന്നു വാഹനം. കണ്ടെയ്നർ ലോറിയിലുണ്ടായിരുന്ന രണ്ടു പേരും മരിച്ചു. മെട്രോ പില്ലര് നമ്പര് 187ലേക്കാണ് ലോറി ഇടിച്ചുകയറിയത്. ഡ്രൈവർ ഉറങ്ങിപോയതാകാം അപകടത്തിന് കാരണമെന്നാണ് പ്രാഥമിക നിഗമനം. ആന്ധ്ര നെല്ലൂർ സ്വദേശികളായ യല്ലാണ്ടി മല്ലികാർജ്ജുനയും ഷെയ്ക്ക് ഹബീബ് ബാഷയുമാണ് മരിച്ചത്.
