ന്യൂയോർക്ക്: സുനിത വില്യംസിന്റെ ബഹിരാകാശ ദൗത്യം മാറ്റിവച്ചു. റോക്കറ്റിലെ ഓക്സിജൻ വാൽവിൽ തകരാർ കണ്ടെത്തിയതിനെ തുടർന്നാണ് ബോയിങ് സ്റ്റാർലൈനർ വിക്ഷേപണം മാറ്റിവെച്ചത്. വിക്ഷേപണത്തിന് രണ്ട് മണിക്കൂര്‍ മുമ്പാണ് തകരാര്‍ കണ്ടെത്തിയത്.
ഇന്ത്യന്‍ വംശജയായ സുനിത വില്യംസിന്റെ മൂന്നാമത് ബഹിരാകാശ യാത്ര കൂടിയായിരുന്നു സ്റ്റാര്‍ലൈനറിന്റേത്. ഇതാണ് താത്കാലിമായി മാറ്റിവച്ചത്. യാത്രികരായ സുനിത വില്യംസും ബുച്ച് വിൽമോറും വിക്ഷേപണത്തിനായി പേടകത്തിൽ പ്രവേശിച്ചിരുന്നു. തുടർന്നാണ് തകരാർ കണ്ടെത്തിയത്. ഉടൻ തന്നെ ഇവരെ പേടകത്തിൽ നിന്ന് ഇറക്കി. നിലവില്‍ വിക്ഷേപണത്തിന്റെ പുതിയ തീയതി നിശ്ചയിച്ചിട്ടില്ല.
