പത്തനംതിട്ട: ബിലീവേഴ്സ് ചര്ച്ച് മാര് അത്തനേഷ്യസ് യോഹാൻ അന്തരിച്ചു (കെ.പി യോഹന്നാന്). വാഹനാപകടത്തില് ഗുരുതര പരിക്കേറ്റ് ചികിത്സയിൽ കഴിയവെയാണ് അന്ത്യം. 74 വയസായിരുന്നു. അമേരിക്കയിലെ ഡാലസിൽ വച്ചാണ് അപകടം സംഭവിച്ചത്.
ചൊവ്വാഴ്ച പുലര്ച്ചെ അഞ്ചരയോടെയായിരുന്നു അപകടം. പ്രഭാതസവാരിക്കിടെ അജ്ഞാത വാഹനം ഇടിക്കുകയായിരുന്നു. അപകടത്തിൽ തലയ്ക്ക് ഗുരുതര പരിക്കേറ്റിരുന്നു.
അഞ്ചു ദിവസംമുന്പാണ് മെത്രാപ്പോലീത്ത അമേരിക്കയില് എത്തിയത്. 2003-ലാണ് വിശ്വാസസമൂഹത്തെ ചേർത്തുനിർത്തി ബീലീവേഴ്സ് ചർച്ച എന്ന സഭയ്ക്ക് അദ്ദേഹം രൂപം നൽകി. രൂപം നൽകുകയും ആതുരസേവനരംഗത്ത് വേറിട്ട സാന്നിധ്യമായി മാറുകയും ചെയ്തു.
